Google+ Followers

2015年10月24日 星期六

周末茶座


撞正周末, 心思思又想同大家發下牙痕政治經濟民生同宗教嘅問題煩人無謂多講 拗起嚟各執一詞, 大家嘈到面紅面綠, 咪話朋友之間傷感情, 夫妻都可以搞到面左左不如同大家傾下幾個家常嘅問題啦

1) 如果十幾年來你嘅鄰居成日過嚟同你借雞點鼓油, 借親你都冇托手睜。有一日你想同佢借支牙簽, 佢話對唔住, 屋企冇人用牙簽。 點知轉個頭你出門口去倒垃圾, 見佢口咬支牙簽印印腳等電梯。請問你會點反應?

2) 出街俾警察截住查到你冇帶身份, 警察要你當場證明你自己嘅身份。 唔好以為你指下鼻哥, 或者話李嘉誠係你老豆就得。你地位未至到咁超然。請問有乜方法可以證明你係你?

3) 中國有個習俗叫「抓周」,又稱「試周、試兒、拿周」。新生兒周歲時,將各種物品擺放於BB面前,任其抓取,觀其發意所取,以驗貪廉智愚,可以預卜BB嘅前途。 物件例如筆、墨、紙、算盤、錢幣、書籍, 剪刀、口紅、粉盒、針線, 甚至聽診器、手機、滑鼠器都得。抓書本嘅日後就係學者, 抓算盤實做生意佬, 抓聽診器必定做醫生, 抓口紅粉盒就做化妝師 如此類推。

人人都望子成龍, 否則唔會有咁多怪獸家長逼仔女參加N個興趣班 --- 鋼琴、小提琴、圍棋、劍擊、游泳、繪畫。 但咪以為你有一百億身家個仔就一定成龍。有乜方法可以測試下個仔嘅取向呢?

以上問題係咪好難答呢? 不如睇下以下幾個個案啦:

 

 <唔嬲就假>

法官向庭上犯人說: “你用鎚仔打死你老婆, 我依家控告你雙重謀殺

坐在旁聽席上的大強高聲大罵: “正一係賤人

法官接著對犯人說: “仲有呀, 你又用鎚仔打死你嘅外母

旁聽席上大強又傳來一陣更兇的罵聲: “正一係狗雜種

法官忍不住警告大強: “先生, 我明白你點解對犯人嘅兇殘行為表示憤怒不過, 如果你繼續係咁叫, 我要告你藐視法庭架

大強起立向法官解釋: “對唔住, 法官大人個犯人係我嘅鄰居十五年來我次次同佢借親鎚仔佢都話冇。 正一係人渣, 唔火滾就假

 

 <我係特首>

 梁振英拿了一張支票走進銀行, 禮貌地向出納員說: “小姐早晨, 我想提取現金

出納員: “好嘅唔該俾我睇睇身分證吖

梁振英: 哎呀, 唔記得帶身份證添, 不過我諗都唔駛睇啦, 我係香港特首

出納員: 我當然知你係邊個, 不過銀行條例規定要查身分證依家好多騙子, 所以唔可以唔防囉

梁振英: “你問下你其他同事吖, 係人都知我係邊個啦

出納員: 對唔住, 先生規矩就係規矩, 我唔可以唔跟個喎

梁振英: “, 小姐, 塵阻耳大人都話我地位超然, 我依家堅持你一定要俾我提取現金

出納員: , 先生, 不如咁吖有一日活士(Tiger Woods)嚟銀行又係唔記得帶身份證, 為咗證明佢係活士, 佢拎起枝高爾夫球棍, 一棍將個波打入我個杯度, 證明咗佢係如假包換嘅活士另一次亞加斯(Andre Agassi)嚟銀行, 又係唔記得帶身份證, 佢拎起個網球拍, 一打就打咗個波入我個杯度, 證明咗佢係如假包換嘅亞加斯咁你又試下做樣嘢證明你係梁振英吖。諗下啦。

梁振英呆立良久, 左想右想, 絞盡腦汁, 最後向出納員說: “講真吖, 我諗極都諗唔出乜嘢。點算呢?

出納員: “搞掂 要五百蚊紙定一千蚊紙呀, 特首先生

 

 <望子成龍>

鎮裏的老牧師的兒子已經成年, 老牧師心想也是時候要替兒子考慮一下他的未來職業但兒子卻對此漠不關心有一天, 老牧師決定替兒子做個測試, 於是在兒子的房間放了四樣東西: 1) 一部聖經, 2) 一枚金幣, 3) 一瓶威士忌, 4) 一本<花花公子>雜誌然後他躲在門後, 待兒子回來後偷偷觀察他會選擇哪件東西

老牧師心想: 假如兒子選擇聖經, 那就太好了, 兒子可以承繼衣缽做個牧師假如他選擇金幣, 那也不錯, 起碼他會成為一個商家但假如他選擇威士忌, 他便變成一無是處的酒鬼, 家門不幸啊! 不過假如他選擇<花花公子>雜誌, 那就慘了, 他一定變成一個色鬼

不久, 兒子回家, 吹着口哨進入房間他脫下上衣往床上一拋, 眼角看瞄見桌上的四件東西 細看一番之後, 他把聖經夾在臂彎, 撿起金幣放進褲袋裏, 扭開瓶蓋一邊大口地喝威士忌, 一邊欣賞雜誌上的裸女

老牧師在門後心中暗暗叫苦: 主啊, 原來他想做政治家