浮生偶感

這年多來特多白事, 目睹不少親友亡故, 見盡天主教､基督教､佛教､道教的不同喪禮儀式｡ 素來易哭的我似乎少了眼淚, 卻多了不少唏噓惆悵｡ 心不是麻木, 只是看化了世事變幻的無常, 甚至是對生死這所謂人生大事的一絲釋然｡

先是堂姪女因乳癌病逝, 繼而弟婦之兄長因肝癌去世。年初堂弟亦於美國因肺癌而病亡, 未幾一位多年舊同事心臟病發猝亡, 然後另一堂兄又病故, 接着慈父見背, 數周前弟婦的弟弟又因腦癌病逝｡

七位亡故的親人當中有我那百齡高壽仙逝的老父､有終生致力社會工作的堂姪女(死後捐出遺體作醫學研究)､有薄有名氣的珠寶設計師､有早年負笈留美苦讀而至兒孫滿堂的堂弟､有中途離職自立門戶而業有所成的舊同事､有從卑微電工學徒做起而撫育兩子一女成為大學生的堂兄､有雙學位兒科醫學博士｡目睹親友相繼謝世, 有的英年早逝, 只覺蒼天弄人, 生命何其脆弱, 苦難又何其令人感覺無助｡ 再放眼世界, 大災難事故中(如恐怖襲擊､鬧市炸彈､飛機失事､天災人禍)不明不白而無辜喪命､無分長幼貧富的死者, 當中又有多少壯志未酬､願望未遂的亡魂｡或許生死禍福是自然的規律, 也是無可抗拒的事實吧｡

十七世紀英國散文家、詩人、劇作家以及政治家約瑟夫·艾迪生(Joseph Addison)有一篇發人深省的散文。實在讓人感悟出人生中的營役､爭奪､攻訐､仇恨､貪婪､患得患失之虛誕與無謂｡

< Joseph Addison的原文>

｢When I look upon the tombs of the great, every emotion of envy dies in me; when I read the epitaphs of the beautiful, every inordinate desire goes out; when I meet with the grief of parents upon a tombstone, my heart melts with compassion; when I see the tombs of the parents themselves, I consider the vanity of grieving for those whom we must quickly follow; when I see kings lying by those who deposed them, when I consider rival wits placed side by side, or the men that divided the world with their contests and disputes, I reflect with sorrow and astonishment on the little competitions, factions, and debates of mankind. When I read the several dates of the tombs, of some that died yesterday, and some six hundred years ago, I consider that great Day when we shall all of us be contemporaries, and make our appearance together.｣

Joseph Addison的原文簡潔動人, 發人深省｡ 我試以文言文意譯:

｢偉人塚前, 妒羨之心盡滅; 閱美人墓誌銘, 則六欲消融。觀為人父母者含哀亡兒墳前, 吾心戚戚。復見父母塋墳, 思一己之來日無多, 概又知哀逝者之無益。王侯爭霸終歸土, 競逐機心墜泥涂, 逐鹿群雄今何在?人間紛擾何其無聊｡ 思之亦悵然訝然。碑碣縱橫, 卒年滿目, 或昨日, 或百年。當知大去之日, 爾我皆成同輩, 無分少長。｣

邯鄲呂翁祠聯: ｢睡至二三更時，凡功名都成幻境。想到一百年後，無少長俱是古人。｣思之亦覺其真切, 對利令智昏者、汲汲於非分的貪求者，不失為一帖“去欲”的清醒劑。豁達開懷未必人人可以做到, 但人生短暫, 太執着於成敗得失以至活得不安穩, 終是無益｡其實做人不必太多機心｡ 生活豐儉由人, 衣服無需特選日子穿著, 遊樂不必擇日而行, 會友隨興以赴, 適逢美景當盡心欣賞; 常懷感恩之心, 己所不欲勿施於人; 赤子之心不可失; 謹記｢平生不作皺眉事, 世上應無切齒人｡｣ 這些聽來似是陳腔濫調, 但除此又如何?

王羲之<蘭亭集序>有云:｢…情隨事遷，感慨係之矣。向之所欣，俯仰之間，已為陳跡，猶不能不以之興懷；況脩短隨化，終期於盡…雖世殊事異，所以興懷，其致一也。｣ 壽夭上天註定, 人生不滿百, 何必常懷千歲之憂? 人生一世, 積極地好好活在當下, 珍惜眼前, 就此而已｡

 

祝大家身體安康, 出入平安, 生活愉快!

 

 

 

幻日手記

近來成日俾老妻鬧我扮聾唔聽佢支笛; 好多朋友又話我囂張咗, 叫早晨都唔瞅唔啋, 借咗聾耳陳隻耳, 以為我驚死佢地想同我借錢｡ 查實係冤哉枉也｡ 年紀愈大, 發覺聽覺愈來愈退化, 對社交生活造成好多誤會同不便｡ 於是的起心肝去配隻助聽器｡日前行入助聽器舖頭, 問店員有乜又平又正嘅好介紹｡佢話兩蚊到兩千蚊都有, 豐儉由人｡我當然要兩蚊至平嗰款啦, 同錢有仇咩? 店員同我掛條線落頸處, 佢話: 插隻耳塞落耳仔, 再拖條線插入裇衫袋口就OK嘞｡我問佢點解冇聲嘅? 佢話: 兩蚊雞隻梗係冇聲啦! 不過, 人地見到你心口條電線, 一睇就知你係聽覺殘疾人士, 自然會大聲同你講嘢啦｡諗落又好有道理, 兩蚊雞就可以等人大聲啲同自己講嘢, 唔使“吓､吓”聲要人地重複講, 你唔煩人地都煩啦｡卡都費事簽, 攞張八達通“嘟”一聲扣兩蚊搞掂｡

於是戴住隻道具助聽器四圍蕩, 瀏覽下城市嘅光景｡行行下入咗油麻地廟街｡好日都唔會去廟街, 費事俾啲鳳姐截住叫聲靚哥拉我上樓談心, 入咗房聾聾地兩個牛頭唔搭馬咀棧嘥氣, 做唔成生意慢下手仲俾人打一身｡不過行咗好耐都冇嬌娃兜搭, 反為眼前一亮見到座牌坊, 咁大個仔依家先知到原來廟街有個咁重文化氣息嘅地標｡牌坊有對楹聯: ｢廟貌莊嚴信善虔誠香火盛, 街頭熙攘人群歡樂貨財豐｣｡聽落願景都幾進取同樂觀, 希望係咁啦｡
 

轉個彎又見到一間麻雀舖, 店牆上有一幅壁畫, 國際巨頭埋堆打雀局, 四家都叫緊大牌｡奧巴馬單吊等緊九萬混一色對對碰, 佢個馬仔安倍諗住摸隻九萬然後鬆張俾大佬食舖杰嘅擦下鞋, 點知俾習大大自摸隻九萬食出花么九｡奧巴馬當堂面燶, 本來佢皮膚已經夠黑, 條氣谷到塊面黑過墨斗｡肥仔金隔岸觀火笑到見牙唔見眼｡習大大好得戚, 開心過打低咗十隻貪污大老虎｡不過佢唔俾狼震鷹落場, 無謂689忽然落台到時唔知搵邊個頂佢個位, 費事尶尬囉｡
 

轉入橫街, 嘩, 好多舖都有鎮店之寶｡老婆唔準屋企養貓狗, 所以我唯有出街睇｡講真, 望住成車木面機械人低頭玩手機火都起, 望下貓狗趣緻嘅樣仲開心｡
 

大叔, 貓都有肖像權架, 咪見到就影, 我唔想個樣隨便俾人放上“飛屎卜”架｡
 

等等咪影住, 等我擺個三七側面上鏡啲｡

 

曾江話美源髮采最好用, 乜色都可以染｡ 佢諗緊染隻大紅色, 青春啲, 好過成日俾人叫做白髮魔女｡
 

蘋果沙田柚唔啱胃口, 下次放舊豬骨頭啦｡

 

呢隻精靈又趣怪, 殺死人冇命賠｡

 

大舊含悲望住啲俾人虐待嘅狗相片, 物傷其類｡

 

行行下入咗商場, 見到信用卡賣廣告招攬用戶｡呢條裙夠晒霸氣, 成百張卡跟身, 著住佢去濕平, 鳩烏實唔使擔心碌爆卡｡

 

 

呢間商場嘅地板好迷幻, 我喺三樓望落去, 暈暈地差啲一躍而下｡
 

望落二樓仲更加暈, 成堆蝗虫排喺名牌店門口等入場｡買完就地喺門口裝箱｡場面墟冚過佔中, 真係想落去射胡椒噴霧劑｡
 

商場逼到爆, 人篋爭路, 嗱嗱林離開商場｡點知一塊｢一目偵信｣偵探社廣告牌兜口兜面撞埋嚟｡佢話有乜債仔､老婆偷情､老公偷食､肉參, 單隻眼都可以同你摷出嚟｡咁勁? 下次立法會搵你去摷發叔翻嚟開會, 唔使成班建制派等餐懵｡仲可以摷埋個港大首席副校長出嚟上位, 唔使陳文敏左等右等咁委屈啦｡
 

條行人路又係水洩不通, 人篋爭路｡ 唔想隻腳踭俾拖篋撞損, 不如坐巴士去尖沙咀｡點知跟住前頭架巴士行足成條彌敦道｡俾前面嗰位｢港大一級榮譽､通識真正王者｣Leung Sir對懾人心魄嘅三白眼挖咗足我個成半粒鐘, 咁凌厲嘅眼神, 望住有啲心怯｡不過望望下我又忍唔住笑出嚟｡吓, 通識都有得補習? 講真, 通識其實即係夠八掛, 使乜學? 得閒碌大雙眼觀六路､豎起耳仔聽八方, 自然收到料啦｡
 

終於去到尖沙咀星光大道, 學遊客用手機Pano影番張維港照, 做個時代見證, 好命嘅話比較一下100年後維港變成點｡
 

嗱, 百幾二百年前維港係咁樣架｡

 

見到小艇有人手持魚網撈撈下, 仲以為捉緊魚｡ 望真啲艇蓬頂有塊廣告, 原來係｢佳發海港清理｣公司人員喺度撈垃圾｡今時今日仲用咁古老方法撈垃圾, 可能想俾鬼佬感受下維港舊日情懷掛｡
 

維港填海愈填愈多, 兩岸就快貼埋, 睇嚟遲下可以一步跨過對面海, 過海地鐡冇人坐｡
 

嚟到尖沙咀, 不如過埋海去IFC逛下｡嘩, 熊山熊海, 差啲又以為佔中｡
 

跟住就見到1200位｢突搜選舉委員會｣成員排住隊入場預演2017年突搜選舉｡咁聽話又齊心又有默契, 亞爺好安心囉｡
 

由中環直落灣仔影藝學院, 見到一堆蝴蝶, 唔知又有乜蝴蝶效應?
 

影藝學院賣物部入面有隻碗, 碗內有粒精子｡依稀見到自己同人海中千萬億人類嘅前身｡一粒咁卑微脆弱無助嘅浮游生物, 點解會變成千萬種唔同口面唔同性格嘅人? 而每個人都曾經打低千萬對手, 贏過一次游泳冠軍, 想起馬上重拾自信, 都值得驕傲嘅｡
 

坐巴士回家, 途中望見路邊坐滿人｡忽然間我又想起｢面書｣facebook呢樣嘢｡依家人人都玩｢面書｣, 希望可以通過大氣電波將生活向外伸展, 結交世界上千萬唔識嘅人, 分享人生｡ 其實使乜捨近求遠咁隔涉? 周街咁多人, 隨時可以走埋去截住一兩個, 當面同佢地講下自己尋晚做過乜､聽日打算做乜､今日食過乜｡ 又可以打開手機俾佢地睇下家人或者屋企隻愛貓愛犬嘅照片, 之後同佢講聲“like”, 真係friend 過打band, 溫馨到爆｡唔知咁做會唔會俾人鬧發神經呢?
 

人生有好多個站頭, 不過有啲站係唔想落車嘅｡落錯咗就“衰咗”｡
 

落呢個站就“賴嘢”｡

 

 

行咗大半日街, 有啲茫茫然, 又好似有啲幻覺, 真真假假摸唔清, 胡亂寫低幾句, 以為記｡

 

 

    

雅事一二

記得那一年到南韓旅行, 行程景點之一是首爾的｢南山公園｣｡公園內各處豎立了不少巨形石塊, 每塊都雕刻了一些勵志的人生格言｡其中一塊是｢一日不讀書, 口中生荊棘｡｣ 石塊沒有注明句子出於何人, 但這跟北宋黃庭堅的：「一日不讀書，言語乏味；三日不讀書，面目可憎」同出一轍, 都是勉勵人該多讀書多學習｡

十六世紀英國的弗朗西斯·培根（Francis Bacon）集哲學家、政治家、科學家、法學家、演說家和散文作家､古典經驗論者於一身｡他的散文集中<論學習>(Of Studies)一篇開宗明義說: ｢Studies serve for delight, for ornament, and for ability. Their chief use for delight, is in privateness and retiring; for ornament, is in discourse; and for ability, is in the judgment and disposition of business.｣ 中國現代詩人和英國文學研究專家王佐良（1916年－1995年）將它演繹成: ｢讀書足以怡情，足以傅彩，足以長才。其怡情也，最見於獨處幽居之時；其傅彩也，最見於高談闊論之中；其長才也，最見於處世判事之際。｣ 讀書能給人帶來樂趣、添加文雅和增進能力, 無論從功利或實用角度來看, 都是有百利而無一害的｡

我喜歡看書, 每天多忙必定要抽點時間閱讀, 不讀便若有所失｡我也喜歡結交愛讀書的朋友, 閒來互相推介好書, 高談闊論, 交換心得, 或互贈書籍｡ 箇中之樂與雅, 實非局外人可以領略｡

盜賊之中有一種名為｢雅賊｣, 那是對偷竊書籍者的謔稱。但我對偷書賊是寄予同情的，尤其是不把偷來之物變賣營利, 而是為了求上進，因缺錢買書出此下策偷書。近來讀報, 實在厭倦那沒完沒了的聒噪煩人的新聞｡日前一則報導, 竟似溽暑中的一陣清風, 也可算是煩囂中的一樁雅事(下見報導):

【明報專訊】深圳一名11歲小學生郭沛明離家出走，「玩失蹤」9天，其間一直躲在深圳書城看書，肚餓了就去東門食街找免費試食填肚，口渴了就去附近銀行喝免費水，晚上睡在24小時麥當勞或肯德基餐廳, 其間只是洗過臉，沒有洗過澡。後來郭沛明被派出所公安尋回, 父母嚇壞之餘，聽到他的經歷後也哭笑不得。孩子找到之後，一家人也沒有責怪他，帶他到大小梅沙去玩、去水庫釣魚。

 

 

小郭沛明頑皮得可愛, 離家整整九天去書城啃書, 雅人也! 而他的父母也可謂夠雅量｡

說完郭沛明, 岔到另一件雅事｡ 周日上館子是我夫妻倆和一位摯友H君多年來的指定節目｡有幾間是我們常去的, 但去得多便感覺了無新意｡上星期日H君提議到別處嚐新, 選了一間位於尖沙咀堪富利士道的館子｢北京老家｣, 賣的是京菜(官府菜)｡館子在2-3樓全層, 面積不算大, 但裝璜別具北京特色, 館內到處都是富京城味道的擺設, 處身其中, 倒有一番雅致舒適的感受｡以下的圖片可見一二:

 

餐廳位於二樓｡電梯門繪上牛郎織女圖, 單是這點已夠創意｡
 

餐廳門口的一幅門神像｡

 

門側一具京劇面譜｡

 

門側另一角擺放了一些繡花鞋和弓鞋(紥腳鞋)｡

 

 

一些磁人偶和舊檔案｡

 

門入口處的小水泉, 淙淙水聲, 一聽已感心情舒暢｡

 

舊年畫､油燈｡

 

大門另一角的小金魚缸｡

 

大門側牆壁的瑞獸面譜｡單是餐館大門, 已是充滿擺設, 足見館主的心思

餐廳內一角｡椅桌､壁畫､燈飾､屏風､地磚一絲不苟, 十分講究｡
 

餐廳一角｡

 

餐廳一角｡

 

除了散座, 還有兩間套房, 其一是｢復興門｣, 其二是｢地安門｣, 兩門之間是毛澤東詞<沁園春>磨沙玻璃屏｡
 

套房｢地安門｣內的格局｡正面牆上是王羲之的<蘭亭集序>掛幅｡
 

王羲之的<蘭亭集序>掛幅放大圖｡

 

套房｢地安門｣內的壁畫, 顯示一些北京市井生活風貌｡
 

套房｢復興門｣內的格局｡以婚嫁新房為主題｡正面後方一對新人(圖像)｡
 

一對新人坐於床邊, 洋溢新婚燕爾之情｡

 

新房內的漆櫃､精緻擺設和壁畫, 一絲不苟｡

 

套房內的精緻窗櫺, 給房間添上不少雅致｡

 

餐廳的一角｡

 

餐桌各有特色｡這張桌面中央挖空, 玻璃桌面下是一個金魚缸｡邊吃邊欣賞水中游魚, 也是一種雅趣｡
 

餐具｡

 

餐廳的另一角｡

 

餐廳內的地磚也十分講究｡全是清代不同的仿銅錢 --- 順治､康熙､雍正､嘉慶…｡踩在腳下, 又似乎有點不敬｡
 

洗手間的銅門環也十分講究｡

 

洗手間內特別設計的盥洗盆和水喉｡

 

辦事處入口的刺繡掛幅, 古意盎然｡

 

 

 

講完｢北京老家｣, 又跳到月亮的話題｡事緣本月農曆十五那晚我如常到公園運動｡緩跑之間抬頭仰望上空, 只見一輪大如銅盆的明月懸掛天際｡月面影影綽綽, 幾疑是嫦娥起舞､玉兔搗藥､吳剛伐桂｡當晚天朗氣清, 彩雲掩映之間中更覺月之嫵媚｡雅興大發之下, 回家馬上拿出相機上天台替月兒留下倩影｡

 

 

 

小時候仍未移居香港, 鄉間的大人常警告我們小孩子別要用手指月亮, 否則會被月亮姑姑割損耳朵｡ 此說聽來無稽, 也不知是什麼原因｡不過縱然月姑姑或會懲罰頑童, 我仍愛她那份溫柔與詳和, 比可畏的烈日來的可親可近｡
 

 

清幽的月兒總會引發人的遐思｡ 自古以來多少詩人墨客皆以月入詩, 寫盡逆旅思鄉､離愁別緒､感時懷人之情 --- 如白居易之 ｢共看明月應垂淚，一夜鄉心五處同。｣ 如清代<昔時賢文>之｢古人不見今時月, 今月曾經照古人｡｣ 如唐趙嘏之｢獨上江樓思悄然，月光如水水如天。同來玩月人何在，風景依稀似去年。｣ 如宋詞人辛棄疾之｢一輪秋影轉金波，飛鏡又重磨。把酒問姮娥：被白髮、欺人奈何？乘風好去，長空萬里，直下看山河。斫去桂婆娑，人道是、清光更多。｣ 如唐詩人元稹之｢猶欠一宵輪未滿，紫霞紅襯碧雲端。誰能喚得姮娥下，引向堂前子細看。｣ 月兒能得世人如此鍾愛, 碧海青天夜夜心, 也該不會寂寞的!

 

一周中連逢三樁雅事: 雅賊､雅店､雅月, 心頭荊棘盡去, 只覺口有餘甘!