2013年12月30日 星期一

遲來的59年



61年前, 一位數學、電腦天才只因其不同的性取向而不容於當時的社會, 被當權者迫害, 以至繫身牢獄, 更被化學閹割(以注射女性荷爾蒙治療), 最後自殺身亡。一位曠世奇才, 41歲的英年, 就這樣被人類的偏見、自私與愚昧活生生地扼殺了。時至今天, 我們已進入了電腦化的全盛世界, 繼續享受這位天才的餘澤, 但已沒有人知道他的功勞了。

這裡所說的天才是有「電腦科學之父」美譽之稱的艾倫•圖靈(Alan Mathison Turing 1912--1954) 一直以來他的冤死沒有獲當權者反正。 多年來,霍金(Stephen Hawking,英國著名物理學家)等科學家不斷促政府特赦圖靈。直到2009910日,一份超過3萬人的請願簽名,使英國時任首相白高敦在《每日電訊報》撰文,為英國政府當年以同性戀相關罪名起訴圖靈並定罪,導致他自殺身亡,正式向艾倫•圖靈公開道歉。但仍未回應特赦訴求。現任首相卡梅倫政府以當年裁決沒有問題為由,駁回網上發起的特赦申請。

昨天讀報得知圖靈終於沉冤得雪。英女王伊利沙伯二世是應司法大臣紀嘉林(Chris Grayling)提請,頒下特赦令。紀嘉林表示,從當今社會回看,圖靈所受的判決不公平又具歧視性, 由女王特赦對這樣一個傑出人士「是再適合不過的致意」。

特赦? 人啊, 你以為自己是誰? 道德高地永遠是易守難攻,置身此堅不可摧的堡壘者總能把不合己意的事情批得落花流水, 甚至將人打入永不超生的地獄。人永遠將控訴之手指向他人而振振有詞, 輕易地置異己者於死地。但請問一句: 擲石者誰敢自稱無罪?

世界上每個國家每個時代都有不少無辜的人在社會不文明和野蠻的規條下成為犧牲品。圖靈的個案最終獲得平反。但在中國的萬千冤魂, 不知何時可以沉冤得雪?


<有關圖靈>


艾倫•圖靈是一位超級天才, 但他的人生是一個悲劇, 也是一個不文明時代的犧牲品。

艾倫•圖靈,英國數學家、邏輯學家,他被視為計算機科學之父。1931年圖靈進入劍橋大學國王學院,畢業後到美國普林斯頓大學攻讀博士學位,二戰爆發後回到劍橋,有一段時期他加入英國政府擔任破譯二戰德軍密碼的工作。1940-1942年,作為主要參與者和貢獻者之一,在破譯納粹德國的著名通訊密碼系統(Enigma)的工作上成就傑出,並成功破譯了德軍U-潛艇密碼,為扭轉二戰盟軍的大西洋戰場戰局立下汗馬功勞, 對盟軍取得了二戰的勝利有一定的幫助。

圖靈對於人工智能的發展有諸多貢獻,例如圖靈曾寫過一篇名為《機器會思考嗎?》(Can Machines Think?)的論文,其中提出了一種用於判定機器是否具有智能的試驗方法,即圖靈試驗。至今,每年都有試驗的比賽。此外,圖靈提出的著名的圖靈機模型為現代計算機的邏輯工作方式奠定了基礎。

圖靈是一位同性戀者,並因為其性取向而遭到迫害,這使得他的職業生涯盡毀。1952年,他的同性伴侶協同一名同謀一起闖進了圖靈的房子實施盜竊。圖靈為此而報警。但是警方的調查結果反為使得他被控以「明顯的猥褻和性顛倒行為」。他沒有申辯,並被定罪。在著名的公審後,他被給予了兩個選擇:坐牢或荷爾蒙療法(當年的不文明法律)。他選擇了荷爾蒙注射,並持續了一年。在這段時間裡,藥物產生了包括乳房不斷發育的副作用。由於藥物的影響, 他的脾氣變得暴躁不安。更甚者是, 他再不能參與政府任何機密研究工, 這就等同於在學術上判了他死刑, 令他極度沮喪。1954年,圖靈因食用浸過氰化物溶液的蘋果死亡。很多人相信他的死是有意的,並判決他的死是自殺。但是他的母親極力爭論他的死是意外,因為他在實驗室里不小心堆放了很多化學物品。或許他的母親的說法是維護兒子的清譽吧。


 

現存於Bletchley Garden的二次大戰解碼大電腦(由艾倫‧圖靈設計)


被艾倫‧圖靈破解的納粹德國著名通訊密碼系統(Enigma)


 
艾倫‧圖靈的「人工智能」(Artificial Intelligence)理念和設計


 
艾倫‧圖靈的童年照片。他小時已是聰穎過人, 十五歲時為母親寫了一篇愛因斯坦相對論的綱要.








形態創生學(Morphogenesis)是圖靈一項重要的研究



蘋果公司的標誌有時被認為源於圖靈自殺時咬下的半個蘋果。但該圖案的設計師和蘋果公司都否認了這一說法。不過, 你相信這是巧合嗎?  



2013年12月21日 星期六

戲言身後事



老妻的二媽(繼母)兩週前不幸仙遊, 二媽的兩位親生子女(妻的同父異母弟妹)遠道從加拿大回港奔喪。喪禮已排期本週舉行, 因此最近大家一直在忙碌, 隔天便相聚討論治喪的事宜。由於二媽生前沒有表示過身後事形式的意願, 因此一切便由後人決定了。

多次的聚會我都陪老婆出席, 而這也讓我聽到不少世俗人於生死這問題上心神的紛擾。以下是幾次聚會中的一些談話綜合紀錄:

老婆: 你地打算用乜嘢儀式舉行喪禮? 土葬或火葬?

二妹: 亞媽生前冇交帶過, 我都唔知用邊種儀式好。不過佢生前為自己準備咗七  件壽衣。最近幾年也叫亞哥同佢拍了幾次大頭相作出殯時於靈堂用。

彼得: 什麼儀式也好, 死者已矣, 最好一切從簡。如無宗教信仰, 採取西式的追思儀式也可以。

三弟: 亞爸過身時都係用佛教儀式, 所以亞媽都用佛教儀式啦。我嫌道教儀式叮叮噹噹吹D, 太嘈又繁雜。

二妹: 不過我又想做得好似個show, 風光啲。仔女輩嘅大花籃一排放前頭, 每個花籃一式120朵玫瑰花。孫輩花籃一排放後面。最好租個可以坐超過100人嘅禮堂。

彼得: 現今一般人因為要上班, 除了親人及摯友, 多數唔會參加辭靈儀式, 只會於前一日設靈當夜到來吊唁。假如不是交遊廣闊, 禮堂太大反而會顯得冷清清。

二妹: 前日去同亞媽揀壽材, 有一副幾好, 不過窄身咗啲。我想亞媽帶多啲衫褲同日用品喺身邊, 所以最好加闊4吋。

三弟: 舊衫褲唔好帶啦, 買新嘅好啲。

二妹: 唔係喎, 舊嘢係佢用慣嘅, 亞媽用起嚟舒服啲吖嘛。仲有亞媽生前話過想帶套鑽石首飾去, 你地點睇吖?

彼得: 聽說有些無良嘅仵作會盜棺盜墳。好似李嘉誠老婆嘅墳都被人破壞過。免得過就不必要, 無謂讓先人被盜棺受辱啦。

二妹: 講到燒祭品, 我問過殯儀館喇, 佢地話: 死者頭嗰七日唔知自己已經死咗, 飄飄盪蕩, 要等陽間親人請道士做法事代為通知話佢死咗。而七七四十九日當中燒嘅嘢, 死者全部都收到。燒得愈多, 死者喺陰間就愈通行無阻。七七之後就燒都冇用, 多多都收唔到, 要等重陽至好燒。我想燒多啲嘢俾亞媽, 等佢好享受啲。我開咗張清單喇: 洋房加花園、車、工人、傢私、麻雀枱凳、電視機、洗衣機、手機、電動按摩椅...

三弟: 前日係亞媽頭七回魂, 嗰晚好似冇乜動靜喎。

弟婦: 哎呀, 回魂呢樣嘢好真架。我自己亞爸走嗰日, 住樓下嗰層亞婆話當時聽到樓梯有鈴鈴聲同腳步聲, 話係啲鬼差嚟帶亞爸嘅魂魄走。有人就話喺廳曬啲灰, 死者回魂會留低腳印架。聽講話如果死者係女性, 最好將米缸嘅米掃平, 因為女人鍾意入廚房, 佢地會響米上面留低手掌印, 話俾親人知回魂番過屋企。

二妹: 係呀, 回魂好猛架。我姨仔話佢老爺回魂嗰晚, 房門澎澎聲響, 嚇到大家捐入被竇裏面唔敢郁。不過亞媽前日好似冇番過嚟喎。

彼得: 真係咁猛?

弟婦: 哎吖, 你咪話呀! 我自己亞爸回魂嗰晚, 有一塊錫箔(燒給死者的元寶)自動貼咗上佢幅相度添。

彼得: 用科學眼光睇, 可能係靜電令玻璃攝住鍚箔哩。

二妹: 仲有嚟緊嘅五七(死後第七週), 有乜打算呢? 我地上海人好重視五七架。我提議去慈雲山間法藏寺打場齋。飲等陣完茶上去問下價錢啦。

老婆: 記得唔好請亞爸喪禮時嗰班和尚, 上次有一兩個和尚一邊唸喃嘸一邊鍾鍾下烚眼瞓, 仲偷雞出去煲煙。

二妹: 講到亞媽隻骨灰盅, 本來我揀咗隻七千蚊嘅雲石盅。不過亞女話要俾婆婆住得舒服啲, 依家揀咗隻三萬銀大理石嘅。好通透架。

三弟 出殯嗰日著乜呀? 最好唔駛披麻帶孝。

二妹: 殯儀館有衫借架喇。到時每人披兩塊黑布, 從兩邊膊頭落到大脾, 然後一條黑帶扎腰。呢嗱, 我用手機影低咗樣本, 睇下啦。仲有, 設靈嗰日大家記得要食齋呀。

我和老妻一向百無禁忌。聚會間大家談到回魂, 老妻笑說如她先我而去, 回魂夜必然會回來嚇我一餐死。我說如我先去, 回魂一定賞她一記大耳光, 在她面上留個五指印, 證明我番過嚟。弟婦素來深信鬼神, 嚇得連聲啐啐: "哎呀, 咪亂翕啦, 大吉利是, 好嘅好嘅。"

兩個多星期以來, 大家不斷為治喪事宜忙得團團轉: 午飯聚會不斷, 電話響個不停, 手機Whats App往來不絕(傳真花圈款式和落款、孝服式樣、打齋果品陳設、紙扎品...)。這一切雖然是想給先人盡孝道, 但無可否認, 所謂的風光大葬背後, 多少還帶有一點虛榮吧。

「不問蒼生問鬼神」, 這是一般世俗人的迷惘。但也有豁達者視身後為塵煙, 把骨灰付予湖海(如聖雄甘地), 甚至"捐軀"作醫學研究。至於某些"偉人"死後遺體被防腐供人萬世瞻仰, 未必是他們的本意。不過話說回來, 誰人的身後事不是"任人擺佈"?

週末是開心的日子, 本不該在這裡談這些不愉快的話題。但人如能豁達地視生死如平常, 天天都可以過得輕鬆快活。

祝大家身體健康, 聖誕快樂, 新年進步!

2013年12月17日 星期二

雜碎

<男女之間>






隻死嘢半夜兩點幾都唔番屋企, 一於準備好架生, 家法侍候至得。






衰婆, 個仔係邊個經手嘅?



 



, 好囉喎, 搞搞震。乜料呀? 自量啲得唔得? 過主啦!
 






B仔話: "妹頭, 雖然我地係指腹為婚, 唔駛咁喉擒咁快奪人初吻掛!"
 





宅男: "神燈神燈, 唔該將我想變成女人湯丸吖。"
神燈: "變成張credit card包你人見人愛。"



 





如果人生好似電腦咁, 按下「重新開啟」你話幾好吖!

 






"老婆, 真係未試過咁緊張架, 你話裏面邊個係我地嘅BB?"







: 哈囉! 哥哥仔你cute! 好多歲呀? 平日放咗學鍾意做D乜嘢咁呢?"
: 14歲咋。我係健身迷, 得閒去gym做下舉重練腹肌囉。



 





Lucy: "企咗成晚, 眼尾都冇人望我一下, 班麻甩佬冇啲feel, 當我隱形咁。"
去錯地方喇, 小姐。唔知呢間係乜嘢酒巴就係白癡。仲笑? 天寒地凍, 小心肺炎呀!
 







真愛就係幾嬲都仲係關心對方。
 



<辦公室>


老細: "亞茂, 傳聞職員之間投訴話你態度好有問題喎。真唔真架?"
亞茂: "你話呢?"



 





Marilyn: "老細, 公司個個女職員都投訴話俾你性騷擾。但係到依家你都未騷擾過我, 我一於要去告你歧視。"


 






番工壓力唔大就假!

 






老細: "我話週末可以唔駛咁拘束, 無需打呔著西裝番工啫, 你都唔駛去到咁盡掛?"


 




清潔大嬸: "老細依家唔得閒聽電話, 佢喺第二條線度。"
 








老細: "Mary, 我話番工可以著迷你裙啫, 唔該戴番個胸圍得唔得?"
 







鞋是這樣擦的。

 







番工前換番個啱睇嘅頭先。

 



學「半澤直樹話齋, 咪以為我好蝦,人若犯我,我必雙倍奉還!


 






咁嘅收入, 好過去做立法局議員。費事嘥神拉布、掟鞋、掟雞蛋。
 




, 學下人地獨家乞食啦。走埋一堆, 你估開7-11便利店, 左近一定有一間咩?


 


<社交>




喂大佬, 注意下儀態好掛! 好食都唔駛挖穿喎!
 







「查你私」王子話: "小姐你咁英勇, 怪唔得隻勳章咁突出。"
嗱嗱嗱, 咁嘅手勢, 你估係王子就大晒咩?







呢嗱「查你私」, 你睇人地幾含蓄, 傷風感冒都識得隨身帶紙巾, 唔學得你咁隨手就嚟。

 






呢種儀態亦都值得淑女學習。
 






都勸咗你學好中文先嚟香港啦, 盲中中見衫就著。生肖屬雞都唔好著架, 小姐。
 






呢嗱, 呢位就驚死人唔知佢係男人。
 







人人見到都彈開十丈, 仲笑得咁得戚。
 






佢就愛恨分明。
 






大佬, 小心插親呀!
 








平時由頭到尾包到實, 今次仲唔癲番夠本?
 






D, 再埋D吖。睇我打唔打甩你棚牙?








媽咪, 天氣咁熱, 同你拉開堂簾抖下氣啦。
 








不甘示弱。









咬死你!
 







溫室效應之下地球氣溫年年係咁升, 有圖為證。
 





奶奶話結婚凈係著裙褂戴十斤龍鳳手鐲未夠派頭, 架車都要著裙褂。
 




<大頭蝦>




肥婆尋狗








"亞仔, 你老豆終於搵咗隻「滑鼠, 我地兩個搞咗成日都唔知點用。點算呀?"

 






下次火燭記住打電話俾消防局呀。打愛貓協會就死梗。
 





<身體>
 



人老珠黃冇藥醫。六舊腹肌都係假。
 







醫生話減肥最好多做劇烈運動。肥哥一於狂跳芭蕾舞, 目標係識跳「天鵝湖」為止。
 







醫生話戒酒唔可以急, 要慢慢逐步嚟。一日至多一杯, 咁睇嚟我都可以接受嘅。
 








唔暈就假。
 







榕樹頭夜檔賣戒指, 走鬼唔駛執嘢, 起身就走。

 





班雞太太話: "呢套戲恐怖過「貞子」, 驚嚇過「吸血殭屍」。"








邊位食咗兩粒? 再唔招供我搜身架。
 






班猩猩話: "face book唔係人類嘅專利。邊個話我傻, 我請佢食燒鵝。"
 




<運動新知>
 

下屆奧運新項目, NIKI贊助。
 








高爾夫球咁難入洞, 所以少人玩。實行加大個窿, 盲人都識打。