婚姻萬花筒

經過教堂､婚嫁攝影店､大會堂或尖沙咀文化中心, 相信大家都不時會看到儷影雙雙, 在攝影機前擺姿勢拍婚紗照照: 男的溫柔體貼､輕憐蜜意; 女的小鳥依人､無限嬌憨, 一幅絲蘿托喬木的溫馨畫面｡   婚禮中, 新娘在眾親友環視下, 手挽父親步入禮堂, 聖壇前被交托到新郎手中, 然後一對新人在主婚人面前唸出莊嚴的誓詞: ｢我某某接受你某某作為我合法的妻子/丈夫。共同擁有並持有，從這天開始，是好、是壞，是富、是窮，是健康、是疾病，直到死亡將我們分開。｣   婚宴中, 一對新人身穿刻意挑選的華服, 穿金戴銀, 顯示着無限的幸福,
逐枱敬酒, 在笑聲和淚花中接受親友們的祝福｡ 於是, 經過一連串的婚前張羅､婚禮的熱鬧､宴後的點算, 一對新人結合之後, 也就開始了人生新的一頁, 雙雙面對的是現實的挑戰, 考驗那｢接受一切: 是好、是壞，是富、是窮 、是疾病，直到死亡｣的誓約｡  人的命途各異｡有的夫妻無論貧富､環境順逆, 也可以白髮齊眉, 相愛終老; 也有夫妻或因利益計較､ 或因見異恩遷､ 或因物質貧乏､ 或因意見不合, 日久而感情轉淡生厭, 以至不能相容, 互相仇視詆毀, 漸漸成為怨偶, 最終或以離棄, 或外遇､ 甚至仇殺收埸｡一紙婚約變成無情的枷鎖, 終生廝守的誓言不再是祝福, 而是萬劫不復的詛咒｡

為什麼人間的情愛會有如此不同的差異? 為何人際關係會從甜變酸? 有沒有一套可循的規則可以維持情愛永恆? 又或許人性千萬種, 而性格造成命運, 根本沒有一帖治病的萬靈丹｡

要總括婚姻問題和解決之道, 相信長如一匹布｡ 家家有本難唸的經, 專家也難以說清, 說清了也不易為｡ 以下的片語和圖片, 雖然流於諧謔或刻薄, 但細嚼之下, 亦可以當作反面教材, 從中悟出一點道理｡

 

§§§§§§   § §§§§§    §§§§§§

 

 

世上有兩件事很難辦到｡

1. 把自己的思想裝進別人的腦袋;

2. 把別人的錢裝進自己的口袋｡

前者成功叫---｢老師｣; 後者成功叫---｢老闆｣｡

但有一種人輕易就將兩者都辦到了｡

她叫做｢老婆｣｡

 

 

 

老婆對着鏡子: 好煩呀, 我個樣又老又肥又醜｡老公, 講句嘢tump吓我開心啦｡
老公: 你嘅視力真係好到加零一｡
 

我同無數已婚男子上床上到夠晒皮, 知道結婚係唔啱我嘅｡
 

婚姻是一種人際關係, 當中有一個人永遠是對的, 而另一個人就是丈夫｡

 

 

妻: 點解再冇聽你講過｢我愛你｣?
夫: 已經講過一次, 有變嘅話自會通知你｡
 

老公睇緊101種性愛姿勢｡

老婆睇緊102種推辭藉口｡

 

夫: 如果我死咗, 老婆你會唔會再嫁人｡
妻: 唔會, 我去同我細妹一齊住｡咁如果我死咗, 你又會唔會再娶呀?
夫: 唔會｡我亦都會去同你細妹一齊住｡
 

假如有人被謀殺, 警方最先調查的一定是死者的配偶｡從這點你當明白婚姻是什麼一回事｡
 

妻: 老公, 今日係我地結婚周年紀念, 做乜好呢?
夫: 默立五分鐘啦｡

男: 小姐, 請問有冇一本叫<丈夫 --- 妻子的主人>嘅書呀?
女收銀員: 先生, 去一樓滑稽漫畫部門問下啦｡
   

妻: 老公, 我睇咗本書話夫妻間角色轉換可以增加婚姻生活情趣｡嗱, 不如咁吖, 我扮另一個女人勾引你, 唆使你同你位悶蛋黃面婆離婚｡嗱, 你又揀個角色扮演下吖｡

夫: 我擔屎唔偷食, 對老婆愛情專一, 至憎啲破壞他人家庭幸福拆散人夫妻嘅狐狸精｡ 去死啦你, 兜拳打到你牙同血一齊吞｡

 

妻: 你愈睇愈唔似廿五年前同我結婚嗰個長毛瘦骨仙, 我要去同你驗下DNA証明你仲係佢｡

 

夫: 我次次對你發脾氣你都好似冇件事咁, 點解你自我控制得咁好架?

妻: 我去清潔廁缸囉｡
夫: 咁有效?
妻 用你枝牙刷清潔囉｡
 

<婚前>
男: 我想請你去睇戲, 去海灘, 去餐廳, 你想去邊就去邊｡
女: 我考慮下先｡

<婚後>

妻: 帶我去睇戲, 去海灘, 去餐廳啦, 你想去邊就去邊｡
夫: 我考慮下先｡
 

妻: 如果我成功攀上世界最高嘅額非爾士峰, 你會送乜俾我?

夫: 輕輕幫手推你一下囉｡
 

妻: 老公, 幫手遞枝風筒過嚟啦｡

 

妻子自己做錯事時會原諒老公嘅就係賢妻｡
 

妻: 早知你咁窮, 我真係唔會嫁你｡
夫: 我不嬲都同你講啦, 世界上我唯一擁有嘅只有你｡

 

 

新款駕駛安全帶, 可以減低意外機會45%｡

 

婚姻: 唯一會與敵同眠的戰爭｡

 

老婆話: 婚姻生活係五五分帳: 我煮, 佢食; 我洗, 佢著; 我鳩烏, 佢埋單｡
 

如果你想喺床上食早餐, 搬去廚房瞓啦｡

 

婚姻問題顧問: “呯, 一槍搞掂｡”

 

賊: 咪郁, 要錢定要命?

男人: 錢? 命? 大佬, 我結咗婚架｡
賊: 唉, 我明你感受嘅, 嚟啦, 抱抱｡
 

婚姻係上天注定嘅｡ 不過, 天亦會行雷閃電, 打風落雹｡

甲: 我講笑話老婆會笑｡
乙: 咁講法, 一係你D笑話真係好好笑, 一係你有個好老婆｡
 

男:     贊成同性婚姻投票有結果未呀?
眾男: 錫我地每人一啖就話你知｡

 

 

婚姻貼士:

老婆想老公注意自己: 扮哀傷同唔舒服｡

老公想老婆注意自己: 扮開心同舒服｡

 

我未婚, 但已經有兩個老婆｡

 

婚前婚後｡

 

婚姻生活有時都幾開心架, 問題係一結婚就成世｡

 

甲: 尋日我老婆死咗, 我想喊但係一滴眼淚都擠唔出, 點辦呢?

乙: 好易啫, 想像佢翻生嘛得囉｡
 

神父: “…一生中每一天都對妻子忠實。是好是壞…”
男: “咪住, 有幾壞先?”
 

對唔住, 唔可以同你分享, 我結咗婚

 

老頭子同老婆喺天堂門口, 老頭子問聖彼得: 當日只係答應接納佢做我的妻子，同佢生活在一起。無論處於什麼環境，都願意終身愛惜她、安慰她、尊重她、保護她，以至死亡。依家瓜咗, 點解仲跟住晒?
 

婚後的蜘蛛俠｡

 

婚前婚後 

婚姻有如一副啤牌: 最初你只需要兩顆心(hearts)和一粒鑽石(diamond); 最終你只想有一根木棒(club)和一把鐡鍬(黑桃spade)｡
 

 

女友: 如果我地結婚, 婚後我一定同你分擔你嘅煩惱同困難, 減輕你嘅負擔｡

男友: 你真係細心又善良咯｡不過我完全冇煩惱同困難喎｡
女友: 因為我地仲未結婚囉｡
 

B仔: 老豆, 結婚要幾多錢呀?

老豆: 唔知呀, 我依家仲未還清債｡
 

老婆: 同我結婚之前你有幾多女朋友啫?

(老公粒聲唔出｡)
老婆: 唔出聲即係點解呀?
老公: 等等, 仲數緊呀｡
 

男子到婚姻顧問所投訴: 新婚個陣, 我放工回家時老婆會同我攞拖鞋, 我隻愛犬就tump tump轉向住我吠｡依家結咗婚十年, 掉轉頭隻狗同我攞拖鞋, 老婆就tump tump轉住向我吠｡

婚姻顧問: 怨乜鬼喎, 你仍然享受緊同樣嘅服務｡

 

 

 

假如你做錯事時保持鍼默, 你很聰明｡

假如你做對了仍保持鍼默, 你已婚｡

 

你地班男人話既然有免費牛奶飲仲駛乜買成隻牛?
嗱, 聽下點解80%嘅女人會反對結婚啦｡ 因為佢地話: 買成隻豬番嚟只係得條香腸, 唔值得囉｡
 

成功的婚姻基於收與授之間嘅互相遷就藝術｡

老公俾錢､禮物､靚衫…老婆接收｡
老婆俾意見､訓話､壓力…老公照收｡
 

男人去藥房: 我要買山埃｡

藥劑師: 唔賣得毒藥俾你喎｡
男子出示結婚証書｡
藥劑師: 啊呀, 對唔住失覺晒, 唔知你有配方添｡
 

甲: 如果你隻狗喺後門吠緊, 而老婆又喺前門敲緊門, 你會先開邊度門?
乙: 梗係開後門先啦, 起碼隻狗一入咗屋就收聲｡
 

唔係所有男人都係傻瓜, 有D男人選擇成世做王老五｡
 

老公放咗個響屁, 好似打大風｡佢好感慨咁話: 我地嘅關係可以去到放屁都唔駛尶尬, 真係爽咯!
 

婚前, 男人向女人發誓話會放低條命去服侍佢｡婚後, 男人連放低報紙同老婆講句嘢都唔駛旨意｡

 

 

老婆望住老公: 條廢柴愈睇愈似隻豬｡

老公望住老婆: 個衰婆愈睇愈似隻牛｡

 

根據我老婆話, 我好快樂｡

 

歷史上最快的離婚個案｡

 

結婚三環節: 訂婚指環､結婚指環､投繯自盡｡

 

女人結婚為了追求愛情, 所以要不斷結婚直至找到為止｡

 

 

婚姻應該有如｢工作坊｣｡老公 ｢工作｣, 老婆搵街｢坊｣去“濕平”｡
 

雞乸: 點過到去對面呀?

雞公: 你咪喺對面囉｡

 

從來冇老婆會喺老公洗緊碗嘅時候槍殺老公｡

 

夫: 真係好想再渡一次蜜月｡
妻: 同邊個先｡
 

老公望住張結婚證書望咗成粒鐘｡

老婆問: 搵乜搵咁耐呀?
老公: 搵緊個到期日囉｡
 

 

投訴部門職員話: 太太, 我好明白你投訴乜嘢｡