水

「金、木、水、火、土」, 五行之中「水」最富動態、形態和狀態, 既因載體不同而隨之變形, 也因溫度之變化而呈液體、固體或氣體狀態。由於水之"善變",「水」便變成一個"百搭"字, 尤其是在粵語方面, 更是千變萬化, 多采多姿。

生物缺水即死, 水就是生命的泉源。而「錢」是生活的必需品, 因此水與錢皆為活命之物, 也是支配我們日常生活的東西。

聊天叫「吹水」；

減少叫「缩水」；

中意叫「心水」；

自豪叫「威水」；

把風叫「睇水」；

有錢叫「疊水」；

借錢/籌錢叫「踱水/班水/撲水」；

俾錢叫「磅水」；

呃錢叫「昆水」；

佣金叫「抽水」；

命運叫「命水」；

鬢邊毛髮叫「的水」；

失蹤叫「潛水」；

離開叫「散水」；

出洋留學叫「浸咸水」；

快將结束叫「尾水」；

涉水而行叫「澗水」；

機靈醒目叫「醒水」；

謀取暴利叫「掠水」；

帶貨入境叫「走水」；

從中取利叫「油水」；

緋聞報道叫「煲水」；

收取利益叫「食水」；

摸不清關係叫「乜水」；

半生不死叫「吊鹽水」；

一知半解叫「半桶水」；

全無希望叫「凍過水」；

裝模作樣叫「整色整水」；

糊里糊塗叫「一頭霧水」；

低水平比賽叫「水鬥水」；

做一半唔做一半叫「唔湯唔水」；

財路亨通叫「豬籠入水」;

被人搵笨叫「做左福水」;

貨不對辨你就要「回水」;

頭耷耷就被人話好似「買水」;

大家夾錢叫「科水」;

扮受傷博同情叫「插水」;

見嘢想食就「流口水」;

身無分文就「五行欠水」;

匯率下跌稱為「蝕水」;

一百元稱「一舊水」、一千元稱「一撇水」、一萬元稱「一盤水」;

經常用相同方式收取利益謂之「食慣條水」;

見到好處唔收手繼續上叫「食住條水」;

明明到手點知走甩雞叫「見財化水」;

繼續注資叫「泵水」;

雌性發情時謂之「起水」;

專心一意做嘢叫做「疊埋心水」;

可望而不可及叫做「蛋家雞見水」;

比賽中作弊，故意輸給對方叫「放水」;

一切按計劃進行謂之「順風順水」;

船隻往返一次稱「一水」;

一家人坐埋打麻將, 輸贏都係自己人嘅錢叫做「塘水滾塘魚」;

上善就「若水」;

最無辜都係紅顏, 好地地俾人叫「禍水」!