周末下午茶

呢排一連發咗幾篇懶嚴肅嘅blog, 又人生哲學, 又良言雋語, 又讀書報告, 篇篇水蛇春咁長。呢啲咁嘅陳腔濫調, 聽得多耳仔會起枕, 睇得多會恰眼瞓。 趁周末又到, 醒篇嘢俾過大家玩下, 一來提下神, 二來動下腦筋可以防止老人癡呆, 好過日夜低頭狂打機, 打得多手指隨時變癱, 個人遲早變腦殘。

好嘞, 大家收埋手機, 撻着個人腦到ON制 ... On your mark, get set, go...

A)

一名婦人撿到一盞阿拉丁神燈。她喜出望外, 馬上用手磨擦神燈。噗的一聲神燈精靈出現在她的眼前。婦人向精靈提出三個願望:

1) 我要老公對眼永遠只係望住我一個。

2) 我要老公一生心中只有我。

3) 我要老公每朝起身第一時間伸手摸嘅就係我, 去到邊都同我一齊。

噗的一聲, 婦人如願所償。請猜神燈精靈將婦人變成什麼?

B)

故事未完。一名男子也撿到一盞阿拉丁神燈。他如獲寶, 馬上用手磨擦神燈。噗的一聲神燈精靈出現在他的眼前。他不貪心, 只向精靈提出一個願望: 我要天下間的美女一見到我都無法抗拒。

請猜神燈精靈將他變成什麼?

C)

珍妮怒氣沖沖走入老細辦公室指住佢大罵: "全間寫字樓嘅女職員個個都告你性騷擾, 但係你一直眼尾都未望過我一下, 掂下都未試過。我都要去告你。"

請問珍妮想用乜罪名告老細?

D)

一個口是個"口"字。 請問:

2個口是什麼字?

3個口是什麼字?

4個口是什麼字?

5個口是什麼字?

10個口是什麼字?

11個口是什麼字?

88個口是什麼字?

1000個口是什麼字?

E)

請問上圖共有多少個三角型? (請勿急看答案, 忍住先)

1 個? 絕對白癡

10個? 近乎低能

18個? 似乎好醒

20個? 算唔錯嘞, 不過唔止咁少。

數唔掂? 睇片啦。

 

 

祝大家周末愉快!